İsrail hərbçiləri Qəzza zolağında Fələstinin HƏMAS radikal təşkilatının 20-dən çox tərəfdarını saxlayıb və onlar dindirilmək üçün İsrail ərazisinə göndərilib.

Bu barədə ordunun mətbuat xidməti məlumat yayıb.

“Ümumi Təhlükəsizlik Xidməti və Hərbi Kəşfiyyat İdarəsinin rəhbərliyi ilə keçirilən birgə tədbir zamanı 20-dən çox HƏMAS terrorçusu saxlanılaraq dindirilmək üçün Qəzza zolağının mərkəzindən İsrailə aparılıb”, - deyə məlumatda bildirilir.

Mətbuat xidmətində qeyd edilib ki, bu dindirmələr İsrail ordusunun ərazidən ən son kəşfiyyat məlumatlarını əldə etməyə imkan verəcək və Qəzza zolağında yerüstü manevrlərinin davam etməsinə fayda verəcək.

Mənbə: TASS