“Hazırda Azərbaycan Dövlət Neft Şirkətinin (SOCAR) 1 300 hektarlıq çirklənmiş əraziləri var”.

“Report” xəbər verir ki, bunu SOCAR-ın vitse-prezidenti Əfqan İsayev “Ambisiyaların artılması və fəaliyyətə təkan: COP29 Dayanıqlı Biznes Forumu”nda deyib.

Onun sözlərinə görə, bu irs də bizə sovet vaxtından miras qalıb: “Bu çirklənmiş torpaqların təmizlənməsi üçün məsləhətçilərlə diaqnostikanı aparırıq. Torpaqların tərkibindəki qatqılar müəyyənləşdiriləcək. Bu torpaqların təmizlənməsi üç mərhələdə həyata keçiriləcək”

Ə.İsayev əlavə edib ki, hazırda hökumətlə bu məsələyə baxılır: “Bəzi institutlar da bizə kömək edir. Bundan başqa, Beynəlxalq Maliyyə Korporasiyası (IFC) bizə texniki yardım layihəsi çərçivəsində dəstək göstərir. Çünki SOCAR tək başına bunu edə bilməyəcək”.