Füzulidə üç tondan artıq yabanı çətənə bitkisi məhv edilib.

seher.media xəbər verir ki, bu barədə Daxili İşlər Nazirliyinin Mətbuat Xidmətinin Bərdə regional qrupu məlumat yayıb.

Bildirilib ki, Füzuli Rayon Polis Şöbəsinin əməkdaşları tərəfindən "Xaşxaş 2024" planına uyğun olaraq tədbir keçirilib.

Tədbir zamanı Qacar kəndinin ərazisində yabanı halda bitən, çəkisi üç tondan artıq 6 832 ədəd çətənə bitkisi toplanılaraq yandırılıb.