Almaniyada yaşayan azərbaycanlı itkin düşüb.

SƏHƏR.MEDİA xəbər verir ki, həmin ölkədə yaşayan həmvətənlərimiz məlumat veriblər.

Məlumata görə, Tamerlan Təhməzov Berlin şəhərində doktorantura üzrə təhsil alır. Bildirilir ki, bir neçə gündür o, itkin düşüb və ailəsi ondan xəbər ala bilmir.

Həmçinin qeyd olunub ki, son günlər onda psixoloji problemlər yaranıb və hətta yaşadığı yerə də getmir.

Onun tapılması üçün polisə müraciət edilib və hazırda tədbirlər görülür.

Əldə etdiyi məlumata görə, Tamerlan Təhməzov sabiq Baş nazir müavini Əli Təhməzovun oğludur.

Ə.Təhməzov 1993-94-cü illərdə Baş nazirin müavini olub. O, həmin illərdə Dövlət Tikinti və Arxitektura Komitəsinin sədri vəzifəsini də tutub.