“İranda xərçəng diaqnozu düzgün qoyulmur”.

Bu sözləri London Kral Kollecinin onkologiya şöbəsinin professoru, doktor Şəhram Kurdəsti “Amerikanın Səsi” radiosuna müsahibəsində deyib.

Bu barədə “Azad İran” “Telegram” kanalı məlumat verib.

Bildirilib ki, İran Səhiyyə Nazirliyi ölkədə hər il təxminən 85-90 min yeni xərçəng diaqnozu qoyduğu halda, bu diaqnozların çoxu doğru olmur.

“Xərçəngə qarşı profilaktik tədbirlər barədə onlarla təlimat varkən, icra olunmur. Ona görə də İranda xərçəng əmsalı artır. Dünya üzrə statistikaya əsasən, Səudiyyə Ərəbistanı və BƏƏ-də  də xərçəng əmsalı çox yüksəlib”, - deyə professor qeyd edib.