“Ölkəmizdə iqtisadi artımın strateji faktoru olan investisiya fəallığının təşviqi istiqamətində görülən işlər müsbət nəticələr verir”.
Bunu iqtisadiyyat naziri Mikayıl Cabbarov “X” hesabında yazıb.
O bildirib ki, 2024-cü ilin ilk iki ayında əsas kapitala yönəldilmiş vəsaitlər 2023-cü ilin eyni dövrü ilə müqayisədə 15,5% artaraq 2 milyard 638,1 milyon manata çatıb.
“Bu müddətdə qeyri-neft-qaz sektoruna yönəlmiş investisiyalarda artım 17,1% olub”, - deyə nazir qeyd edib.
Ölkəmizdə #iqtisadi artımın strateji faktoru olan #investisiya fəallığının təşviqi istiqamətində görülən işlər müsbət nəticələr verir. 2024-cü ilin ilk iki ayında əsas kapitala yönəldilmiş vəsaitlər 2023-cü ilin eyni dövrü ilə müqayisədə 15,5% artaraq 2 mlrd. 638,1 mln. ₼-a… pic.twitter.com/Z96YRYzRo3
— Mikayil Jabbarov (@MikayilJabbarov) March 14, 2024