Tailand kralının 20 ildən artıq sürgündə yaşayan oğlu varislik böhranı səbəbindən ölkəyə qayıtdığını elan edib.

42 yaşlı Vaçaresorn Vivataravonq kral Maha Vaçiralonqkornun ikinci arvadından olan oğludur.

O, vətənindən uzaqda böyüyüb və ABŞ-də hüquqşünas kimi fəaliyyət göstərib. O, 2023-cü ildə ilk dəfə Tailanda səfər edib, sonra isə ABŞ-yə qayıdıb, indi isə yenidən ölkəyə qayıdıb. Yerli mətbuata müsahibə verən Vaçaresorn bu dəfə Tailandda həmişəlik qalmaq niyyətində olduğunu bildirib. Onun sözlərinə görə, artıq Tailand pasportu və şəxsiyyət vəsiqəsi alıb.

Vaçaresorn əminliklə bildirib ki, o, öz istəyi ilə ölkəyə qayıdıb.

“Heç kim mənə “gəl” deməyib. Mən heç kimin maraqlarını təmsil etmirəm. Bunun üçün nə resurslarım, nə də hökmüm var”, - deyə o bildirib.

Bu açıqlamaya səbəb Vaçaresornun taxtın ən çox ehtimal olunan varisi ola biləcəyi ilə bağlı şayiələr olub. Uzun müddət tac üçün əsas iddiaçı Mahi Vaçiralonqkornun birinci həyat yoldaşından olan qızı şahzadə Bacrakitiyabha idi. Bununla belə, 2022-ci ilin dekabrında onun beyin anevrizmasının yırtıldığı və o vaxtdan bəri komada olduğu barədə şayiələr yayılıb.

Mənbə: The Straits Times