Rusiya İstintaq Komitəsi terrorçuların hücumuna məruz qalan “Crocus City Hall”dan görüntüləri paylaşıb.

Kadrlar departamentin saytında dərc edilib.

Hadisə yerindən çəkilmiş videoda hücum edənlərin silahları, sursatı və pulemyotlar üçün daraqlar, həmçinin terror aktının qurbanları görünür.

Müstəntiqlər bildiriblər ki, meyitlərə baxış keçirilir, maddi sübutlar, silah və sursatlar götürülür, bütün zəruri ekspertizalar, o cümlədən genetik, ballistik və daktiloskopik müayinələr təyin edilir və aparılır.