Bu gün qızıl hərflərlə yazılan tarixin, şəhidlərin canı, qazilərin qanı bahasına qazanılan “Zəfər Günü” Aşağı Güzdək 2 saylı tam orta məktəbdə xüsusi abu havada qeyd edilmişdir.

Xüsusi qayğıya ehtiyacı olan həssas qrup uşaqların təhsil aldığı bu təhsil ocağında keçirilən tədbirdə şəhid anaları, şəhidlərdən bizə əmanət qalan şəhid övladları və canlı şəhid yarısı olan qazi qardaşlarımızda iştirak ediblər.

Daima başımızı dik tutaraq andığımız şəhidlərin bizlərə yaşatdığı bu “Zəfər Günü” gələcək nəsillərə Vətəni necə sevmək, necə qorumaq gərəkdiyinə bir nümunədir.

Aşağı Güzdək 2 saylı tam orta məktəbin rəhbəriyi Almaz xanım Hüseynovanın bu tədbirin təşkil olunmasında, yeni nəsil üçün “Zəfər Günü”-nün aşılanmasında, uşaqlarda vətənpərvərlik ruhunun oyanmasında verdiyi bu töhvə həm şəhid analarının, həm də şəhid övladlarının yaralarına məlhəm, qəlblərinə fərəh toxumu səpdi.

Tədbirin bədii hissəsində məktəbin şagirdləri tərəfindən səhnəciklər qurulub, şeirlər söylənib, mahnılar səsləndirilib.

Təşkil olunan “Zəfər Günü” tədbirindən fotoları təqdim edirik.