Norveç parlamentinə bomba qoyulması ilə bağlı təhdid daxil olub.

Bu barədə Oslo polisindən məlumat verilib.

Məlumata görə, binanın ətrafında təhlükəsizlik tədbirləri gücləndirilib.

“Parlamentin təhlükəsizliyini təmin etmək və mümkün insidentlərin qarşısını almaq üçün hadisə yerinə çox sayda patrul xidməti cəlb olunub. Hazırda hansısa təhlükənin olması barədə dəqiq məlumatımız yoxdur”, - deyə Oslo polisindən bildirilib.

Binaya bütün giriş və çıxışlar bağlanıb, heç kimin girməsinə və çıxmasına icazə verilmir.

Təhdidi məhz kimin göndərdiyi məlum deyil, lakin parlamentin bütün nümayəndələri təhdid haqqında məlumatın olduğu SMS alıblar.

Mənbə: NRK.no