Ucarda baş verən dəhşətli qətlin təfərrüatı məlum olub.
Belə ki, kənd sakini, 1979-cı il təvəllüdlü Kamil Qarayev ailə münaqişəsi zəminində həyat yoldaşı, 1993-ci il təvəllüdlü Rəvanə İsmayılovaya bıçaqla çoxsaylı bıçaq xəsarəti yetirərək onu öldürüb.
"Rəvanə mənə dedi ki, "su gətir". Mətbəxə çatanda onun qışqırıq səslərini eşitdim. Beş ildir ki bu ailədə gəlinəm, Rəvanə həmişə yoldaşı tərəfindən döyülürdü" - deyə Şəfəq İsmayılova bildirib.
Qeyd edək ki, R. İsmayılova Kamil Qarayevin üçüncü həyat yoldaşı olub. Hadisədən sonra könüllü olaraq polisə təslim olan Kamil Qarayev prokurorluq tərəfindən şübhəli şəxs qismində tutulub. Faktla bağlı Ucar Rayon Prokurorluğunda araşdırma aparılır.
Ətraflı APA TV-nin süjetində:
Əri tərəfindən öldürülən qadının son istəyi nə olub? - Ucardakı dəhşətli qətlin TƏFƏRRÜATI
İyulun 28-də saat 15 radələrində Ucar rayonu ərazisində 1993-cü il təvəllüdlü Rəvanə İsmayılovanın öldürülməsi barədə rayon prokurorluğuna məlumat daxil olub.
seher.media bildirir ki, bu barədə Ucar Rayon Prokurorluğundan məlumat verilib.
Araşdırmalarla 1979-cu il təvəllüdlü Kamil Qarayevin arvadı Rəvanə İsmayılovaya bıçaqla xəsarətlər yetirərək qəsdən öldürməsinə əsaslı şübhələr müəyyən edilib.
Faktla bağlı Ucar Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq ibtidai istintaq aparılır.
Hadisədən sonra könüllü olaraq polisə təslim olan Kamil Qarayev prokurorluq tərəfindən şübhəli şəxs qismində tutulub.
16:18
Bu gün saat 15 radələrində Ucar rayonunun Qazyan kənd sakini, 1993-cü il təvəllüdlü Rəvanə İsmayılova kəsici alətlə xəsarətlər yetirilməsi nəticəsində ölüb.
seher.media xəbər verir ki, bu barədə Daxili İşlər Nazirliyinin (DİN) Mətbuat Xidməti məlumat yayıb.
Bildirilib ki, məsələ ilə bağlı Rayon Polis Şöbəsinə məlumat daxil olub.
Polis əməkdaşları tərəfindən həyata keçirilən tədbirlər nəticəsində hadisəni törədən R.İsmayılovanın həyat yoldaşı, 1979-cu il təvəllüdlü Kamil Qarayev saxlanılıb.
Faktla bağlı araşdırma aparılır.
