Braziliya Ali Məhkəməsinin hakimi Aleşandri de Morays ölkədə "X" sosial şəbəkəsinin fəaliyyətinin dayandırılmasına qərar verib.

seher.media xəbər verir ki, bu barədə "Reuters" məlumat yayıb.

Qeyd olunur ki, məhkəmənin qərarı sosial şəbəkənin sahibi İlon Maskın Braziliyadakı qanuni nümayəndəsini təyin etməkdən imtina etməsindən sonra verilib.

Xatırladaq ki, avqustun 17-də "X" işçilərinə təhdidlər səbəbindən Braziliyadakı nümayəndəliyini bağladığını elan edib.