"Sosial yardımın əhatə dairəsi genişləndiriləcək".
seher.media xəbər verir ki, bu barədə Dövlət Sosial Müdafiə Fondunun sədri Himalay Məmişov media üçün keçirilən brifinqdə çıxışı zamanı deyib.
"Muzdla işləməyən şəxslər də sosial yardım proqramına müraciət edə biləcəklər. Bundan sonra ünvanlı sosial yardım üçün müraciət zamanı ailəni təmsil edən şəxslərdən ailə üzvlərinə dair bir sıra məlumatların qeyd edilməsi tələb olunmayacaq", - H.Məmişov qeyd edib.
Sədr, həmçinin, ailənin maddi-məişət şəraiti yoxlanarkən bir sıra məlumatların "Ərizə-bəyannamə"də düzgün qeyd olunmadığı müəyyən edildikdə həmin məlumatlara düzəliş edilməsi və müraciətə yenidən baxılması imkanının yaradıldığını da vurğulayıb.
Himalay Məmişov bildirib ki, hazırda 270 minə yaxın şəxs ünvanlı sosial yardım paketi ilə əhatə olunub.
Ünvanlı sosial yardımla bağlı YENİLİKLƏR: Ərizəyə düzəliş etmək mümkün olacaq
Nəzrin Vahid
