Ucar rayonunda üç nəfərin xəsarət alması ilə nəticələnən yol-nəqliyyat hadisəsi baş verib.
“Report”un məlumatına görə, iki avtomobilin toqquşması nəticəsində sərnişinlər - 1976-cı il təvəllüdlü Hicran Qurban qızı Həsənova və övladları: 17 yaşlı Kənan Ramil oğlu Həsənov və 10 yaşlı Ayla Ramil qızı Həsənova xəsarət alıblar.
Yaralılar təcili tibbi yardımın köməkliyi ilə əvvəlcə rayon xəstəxanasına çatdırılıblar, sonra isə Bakıda yerləşən xəstəxanaların birinə gətiriliblər.
Faktla bağlı araşdırma aparılır.
