Parisdə 13 gündür etirazların davam etdiyi Yeni Kaledoniyanın müstəqilliyi uğrunda döyüşçülərə dəstək nümayişi keçirilib.

Şənbə günü yüzlərlə insan Fransanın dənizaşırı ərazisi sayılan arxipelaqın yerli xalqı olan Kanakların müstəqilliyinə dəstək göstərmək üçün Bastiliya meydanına toplaşıb.

Nümayişçilər Fransanın xarici ərazisinin rəngli bayraqları ilə Opera meydanına doğru irəliləyiblər.

Aksiyanın təşkilatçısı "Kanak Xalqı ilə Həmrəylik Komitəsi" olub. İştirakçılar Fransa Prezidenti Emmanuel Makronun arxipelaqla bağlı siyasətini, o cümlədən bələdiyyə seçkilərində tətbiq edilən islahatları pisləyiblər.

Mənbə: RİA Novosti