Yasamal rayonunda 60 nömrəli körpələr evi-uşaq bağçasından körpələrə verilən yeməklə bağlı sosial şəbəkələrdən fotofakt əldə etmişik. Bununla yanaşı dövlət bağçası olmasına baxmayaraq, hər uşaqdan aylıq 40 manat pul istənilməsi ilə də iddia var. Qeyd olunan bağçada direktor müavinin uşağı da olsa da, o uşağının yeməyini evdən gətirdiyi iddia olunur. Yəqin ki, bağçanın verdiyi qidanı öz uşağına rəva bilmir. Valideynlər tərəfindən hər uşaq üçün ödənilən 40 manat isə direktorun şəxsi büdcəsinə gedir. Bağçada keçirilən məşgələlərə isə valideynlər öz ciblərindən vəsait ayırmağa məcbur edilir. 

Bizdə "SəhərMedia" xəbər portalı olaraq yayılan xəbərlərə cavab almaq üçün bağça ilə əlaqə yaratmağa çalışdıq, lakin zənglərimizə cavab verən olmadı.

Yenidən qarşı tərəfi dinləməyə və deyilən iddialarla bağlı açıqlamalarını dinləməyə hazırıq.