Dövlət himinin səsləndirilməsi və şəhidlərimizin əziz xatirəsinin bir dəqiqəlik sükutla yad edilməsi ilə başlayan tədbirin açılış mərasimində çıxış edən Azad Quliyev qarşıdan gələn müstəqillik günü münasibətilə bütün iştirakçıları təbrik etdi, müstəqillik tariximiz barədə gənclərə ətraflı məlumat verdi. Bildirdi ki, Azərbaycan Xalq Cümhuriyyətinin yadigarı kimi Azərbaycan Bayrağının bu gün artıq işğaldan azad olunmuş torpaqlarımızda, doğma Qarabağımızda, azad Şuşamızda dalğalanması Azərbaycan Prezidenti İlham Əliyevin gələcək nəsillərə unudulmaz dövlətçilik əmanətidir.

 

Tədbirdə çıxış edən Rayon İcra Hakimiyyətinin başçısı Faiq Qürbətov, Şirvan-Salyan Regional Gənclər və İdman İdarəsinin rəisi Aydın Yusifov iştirakçıları salamlayıb, səmimi ürək sözlərini çatdırıb, tədbirin əhəmiyyətini vurğuladılar. Bildirildi ki, 1918-ci il mayın 28-də Azərbaycan xalqı özünün və Şərqin ilk demokratik, hüquqi, dünyəvi və parlamentli respublikasını yaradıb. Azərbaycan Xalq Cümhuriyyətinin yaranmasından, az vaxt ərzində süquta uğramasının səbəblərindən, müstəqilliyimizin bərpası və qorunub saxlanılması istiqamətində yaxın keçmişdə görülən işlərdən ətraflı danışılıb. Qeyd edilib ki, çətin siyasi-iqtisadi dövrdə hakimiyyətə qayıdan Ulu Öndər Heydər Əliyev Azərbaycan dövlətçiliyinin qorunması üçün qətiyyətli tədbirlər gördü, ölkədə davamlı ictimai-siyasi sabitliyi bərqərar etdi. Heydər Əliyevin əsasını qoyduğu siyasətin bu gün prezident cənab İlham Əliyev tərəfindən müasir dövrün tələblərinə və reallıqlarına uyğun davam etdirildiyi diqqətə çatdırılıb.

 

 

Sonda isə çempionlar gənclərin suallarını cavablandırdı, onlara gələcək həyat və fəaliyyətlərində uğurlar arzuladılar.